More

    Фаворитот на Данела, Бени Шаќири нов директор на МКЦ

    Утрово во Младинскиот културен центар пристигнал Бени Шаќири за да го презеде раководното место на Никола Алексов. Како што дознаваме од извори блиски на НоваТВ решението за нов директор на оваа културна институција и именувањето на Шаќири го потпишала градоначалничката Данела Арсовска но Алексов не сака лесно да замине од директорската фотеља.

    Од протестот во МКЦ на 22 јануари 2023
    Од протестот во МКЦ на 22 јануари 2023

    Иако денеска се бележи точно една година откако десетици граѓани, културни работници протестираа пред Младинскиот културен центар против политички и партиски позиционирања во оваа институција со паролата „МКЦ (не) е партиска цицка“, сепак волјата на Арсовска и нејзиниот фаворит за позицијата директор е исполнета.

    Од протестот во МКЦ на 22 јануари 2023

    На последниот конкурс за избор на директор во МКЦ стигнале три пријави: музичарот Бени Шаќири, дипломиран продуцент и филмски работник Никола Мадиќ, кој е сопруг на заменичката-министер за правда Викторија Аврамовска-Мадиќ, и Владимир Стојчевски, дипломиран продуцент и професор, магистер по менаџмент на јавни установи.

    Според процедурата, Управниот одбор на МКЦ ги доставил апликациите од кандидатите до градоначалникот на Град Скопје, со тоа што предлага кандидати кои според критериумите се соодветни за позицијата за која аплицираат. Условите, покрај високото образование во областа на хуманистичките науки, се и 5-годишно работно искуство во областа на културата.

    Последниот збор за одлуката кој ќе биде директор е на градоначалничката Данела Арсовска.

    Досега в. д. директор на МКЦ беше Никола Алексов, дипломиран детектив, кој беше поставен на функцијата во јануари откако Арсовска го разреши Ванчо Богоев.

    А. Василевска

    Извор: НоваТВ.мк

    Exit mobile version