More

    Разоткривање на говорот на омраза: „Циганка не може да биде лице на Русија“

    Во услови во кои сега се наоѓа Русија никој не може да каже колку време новинарката Курмашева ќе биде во притвор додека не се изјасни дека е „странски агент“, и за да биде апсурдот уште подрастичен, доколку признае ќе се соочи со затворска казна од најмалку 5 години. Ова ја очекува Алсу Курмашева според законот што Путин го донесе во 2019 години со кој Русија ги заостри законите за медиумите и за невладините организации кои можат да бидат квалификувани како „странски агенти“.
    Рацин.мк се придружува на апелите за ослободување на Алсу Курмашева и на Еван Гершкович, новинарот на Волстрит Џорнал, и во име на слободата на новинарската работа во прилог на оваа сторија за Курмашева ја објавуваме нејзината сторија од 5 март 2013 година.

    Приредил: ЗOРАН БОЈАРОВСКИ

    „Циганка не може да биде лице на Русија“, со овој наслов во 2013 година беше преземена сторијата на Алсу Курмашева која таа изворно ја објави на Радио Слободна Европа на руски јазик после изборот за Мис на Русија со наслов „Победничката на Мис Русија, етничка Татарка, цел на навреди на интернет“, откако победничката на овој натпревар на убавина Елмира Абдрзакова беше прогласена за најубава во Руската Федерација и особено откако беше подложена на невидена хајка на говор на омраза и закани на социјалните мрежи.

    Овој текст на Алсу Курмашева беше само еден од многуте нејзини и на дел од нејзините колеги во руските медиуми кои таа година, во 2013, започнаа да предупредуваат на големиот раст на национализмот со изблици на фашизам во Русија.

    Алсу Курмашева

    Овие денови беше објавено дека руско-американската новинарка Алсу Курмашева е уапсена во рускиот град Казан и дека е во притвор од 2 јуни оваа година.

    Таа е втората американска новинарка приведена во Русија во 2023 година, по новинарот на Волстрит џурнал, Еван Гершкович.

    Алсу Курмашева е обвинета дека не се изјаснила оти е „странски агент“, обвинение кое носи затворска казна до пет години.

    Во услови во кои сега се наоѓа Русија никој не може да каже колку време новинарката Курмашева ќе биде во притвор додека не се изјасни дека е „странски агент“, и за да биде апсурдот уште подрастичен, доколку признае ќе се соочи со затворска казан од најмалку 5 години. Оваа ја очекува Алсу Курмашева според законот што Путин го донесе во 2019 години со кој Русија ги заостри законите за медиумите и за невладините организации кои можат да бидат квалификувани како „странски агенти“.

    Рацин.мк се придружува на апелите за ослободување на Алсу Курмашева и на Еван Гершкович, новинарот на Волстрит Џорнал, и во име на слободата на новинарската работа во прилог на оваа сторија за Курмашева ја објавуваме нејзината сторија од 5 март 2013 година:

    Победничката на Мис Русија, етничка Татарка, цел на навреди на интернет

    Официјално Русија се гордее со тоа што е разновидна, мултикултурна земја.

    Така, се чинеше соодветно кога 18-годишната Елмира Абдразакова – ќерка на мајка Русинка и татко Татар од областа Кемерово – беше крунисана за Мис Русија 2013 година на 2 март.

    Но, реакцијата на интернет беше доволна да ја избрише насмевката од лицето на Абдразакова. Само неколку часа по нејзината победа, лавина од илјадници пораки на омраза исполнети со етнички навреди пристигнаа од луѓе кои ги поддржуваат руските националистички ставови, принудувајќи ја Абдразакова да ги затвори нејзините страници на социјалните мрежи.

    Едно лице напиша дека треба да има закон со кој ќе им се забрани на „Татарките и другите етнички неруски жени и девојки“ да учествуваат на натпревари за убавина.

    Друг напиша дека „циганката не може да биде лицето на Русија“.

    Реакцијата ја поттикна Абдразакова да ја затвори својата страница на популарната социјална мрежа Vkontakte.ru „за да избегне дополнителни провокации“, како што изјави таа за Руската служба за вести. Таа рече дека коментарите се мотивирани од „расизам или некој вид национализам“, но додаде дека луѓето во центарот на вниманието на јавноста треба да очекуваат негативни реакции.

    Таа рече дека очекува да ја врати својата страница во блиска иднина.

    Реакцијата против победата на Абдразакова доаѓа во време на зголемени националистички чувства во Русија. Националистичките Козаци неодамна почнаа да патролираат по московските улици. Тие ветија дека ќе ги чуваат православните цркви откако групата „Пуси Рајот“ навреди многу верници изведувајќи дел од панк песната против Путин во московската катедрала Христос Спасител.

    За победата на Мис Русија, Абдразакова доби 100.000 долари и стипендија. Таа ќе ја претставува Русија на натпреварите за Мис на светот и за Мис Универзум.

    Гувернерот на Кемеровската област Аман Тулеев на 5 март ѝ подари на Абдразакова локален медал и клучевите од еднособен стан. На мајката на Абдразакова и доделил медал за „мајчинска храброст“ и награда од 50.000 рубљи (1.630 долари).

    Втората придружничка на изборот за Мис Русија 2013, Ирина Туманова од Република Калмикија, нема пријавено слично искуство.

    Во 2004 година, Татарката по име Дијана Зарипова победи на натпреварот за Мис Русија, но тогаш немаше некоја особено негативна реакција. Сепак, минатиот месец Татарката, 21-годишната Дина Гарипова, беше избрана да ја претставува Русија на натпреварот за Евровизија-2013 во Шведска. Иако таа не беше жртва на никаков излив на омраза каков што го доби Абдразакова, коментаторите на интернет пишуваа дека таа нема „нерви, менталитет или изглед“ за да биде ѕвезда.

    Извор: Рацин

    Exit mobile version