Последни написи

Седница на Анкетната комисија за „Онкологија“, Филипче: За прв пат воведовме биолошка терапија за голем број пациенти

„Во државата имаше систем со кој не се знаеше какви лекови се даваат во државата, најмногу за пациентите со малигни болести и за дијабетичарите пред да ја преземам функцијата министер. Но законот го променивме и оттогаш лековите се со европски критериуми“, рече поранешниот министер за здравство Венко Филипче на денешната седница на Анкетната комисија за Клиниката за онкологија.

Тој посочи дека паралелниот увоз на лекови овозможувал лековите што влегуваат во државата да бидат без сертификат за квалитет, но тоа го промел во 2018 година. За прв пат била обезбедена биолошката терапија која дотогаш била недостапна и станала достапна за голем број пациенти и тоа во континуитет – рече Филипче пред Комисијата.

За реверсот на кој се земаат лекови тој појасни: „Реверсот е за пациентите да не останат без лек. Во јануари имате 100 пациенти со една дијагноза. Во март дошле 20 нови, а првите 100 мора цела година да го примаат лекот. Затоа е земан реверсот. Не го оправдувам тоа, ама тоа е начин да се обезбеди терапија за сите инаку пациенти ќе останеле без лек. Системот треба да се смени“, рече Филипче на денешната седница на собраниската Анкетна комисија за случајот „Онкологија“.

Р.С

 

Latest Posts

Не пропуштај