„После 17 години време е за јасен план за членство во Унијата, уставните измени ќе бидат тест за консензус за ЕУ“, објави на својата фејбук страница Бојан Маричиќ, вицепремиер за евроинтеграции, по тркалезната маса во Атлантскиот Совет заедно со претставници од американската администрација, експерти, дипломати и граѓанскиот сектор.
„Сега ни е потребен јасен план за европската перспектива да биде и временски извесна, но и видлива со конкретни проекти од кои бенефит ќе имаат граѓаните. Северна Македонија неколку пати на европскиот пат била на крстопат, но секогаш сме ја избирале вистинската насока, тоа треба да го направиме и сега, кога видлива е активноста на ЕУ на темата проширување, па дури и на најскептичните држави членки на ЕУ“, укажа Маричиќ.
