More

    Грковска: Политичарите и директорите на јавните претпријатие треба да се пример за интегритет и одговорност

    „Секогаш мора да се реагира на слабостите во системот, а политичарите и директорите на јавните претпријaтија треба да даваат пример за интегритет и за одговорност кога има недоследности во однесувањето и постапувањето“ истакна Славица Грковска, вицепремиерка задолжена за политики за добро владеење во интервју за ТВ21.

    Таа додаде дека кога има недоследности во однесувањето и постапувањето функционерите се тие кои треба да дадат пример за одговорност.

    Во интервјуто вицепремиерката Грковска истакна дека во моментот фокус за дигитална трансформација е ставен на Законот за архивско работење, како и на создавање услови за изготвување на електронска лична карта,  како основна алатка за дигитализација на процесите и за пристап до дигитални услуги, што е клучно за намалување на субјективниот фактор, а со тоа и на корупцијата.

    „Во услови на брз технолошки развој, мора да го направиме општеството поагилно на промени. Мора да се фати чекор, а не да се водиме по стариот ментален склоп. Овие процеси се почнати и нема враќање назад“, нагласи Грковска, додавајќи дека дигиталната трансформација на општеството не е политички, туку општествен процес.

    Извор: ТВ 21

    Exit mobile version