More

    (ИЗБОР) Албански медиуми: САД ќе ги признаат изборните резултати на северот на Косово и без Српската листа; уапсен директорот на КЕК во Косово

    Во пресрет на локалните избори на северот на Косово, Специјалниот пратеник на САД за Западен Балкан Габриел Ескобар соопшти дека САД ќе ги признаат резултатите од изборите во четири општини на северот на Косово, иако Србите ќе ги бојкотираат.

    Вчера во Косово е уапсен Главниот извршен директор на Косовската енергетска корпорација( КЕК), Нагип Красниќи под сомнение за злоупотреба на службената положба, вршење влијание и судир на интереси. Во Албанија не престануваат политичките превирања веќе на почетокот на кампањата за локалните избори, од милионски трошења до позиционирања на гласачките ливчиња.

    Ова се дел од темите што редакцијата на ЦИВИЛ Медиа ги издвои од албанските медиуми во регионот, за денешното издание на АЛ-ПРЕС.

    КОСОВО

    Сури нет: САД ќе ги признаат резултатите од изборите на север и покрај бојкотот на Српската листа

    „Специјалниот пратеник на САД за Западен Балкан Габриел Ескобар денеска изјави дека САД ќе ги признаат резултатите од изборите во четири општини на северот на Косово, иако Србите ќе ги бојкотираат. Тој ги повика Србите да се вратат во институциите на Косово.“, пренесе косовскиот медиум Сури нет.

    Коха: Уапсен првиот човек на КЕК Нагип Красниќи, осомничен за три кривични дела

    „Главниот извршен директор на Косовската енергетска корпорација( КЕК), Нагип Красниќи, беше уапсен во средата под сомнение за злоупотреба на службената положба, вршење влијание и судир на интереси.

    Со решение на обвинителството, тој е одреден во притвор во траење од 48 часа. Претходно, истражната единица на полицијата упадна во неговата канцеларија во КЕК и два стана на различни локации. Апсењето го потврдија од Специјалното обвинителство.“, пренесе косовскиот дневник Коха.

    АЛБАНИЈА

    Албеу: Целибаши ги повика политичките партии да не ги злоупотребуваат трошоците за кампањата

    „Претседателот на Централната изборна комисија во Албанија, Илирјан Челибаши  одржа состанок на онлајн платформата на кој политичките партии и кандидатите ќе ги пријават своите финансиски приходи и расходи.

    Целибаши рече дека онлајн платформата ќе биде подобра можност ЦИК да го контролира финансирањето на политичките партии. Првиот човек на ЦИК, меѓу другото, ги советуваше политичките партии да не ја покажуваат арогантно својата моќ и интерес да трошат неограничени пари во кампањата.“, пренесе албанскиот медиум Албеу.

    Клан: Комисијата за жалби и санкции го постави Илир Мета наместо Бериша на гласачкото ливче

    До Еди Рама и Енкелејд Алибеај, на гласачкото ливче, како претседател на коалицијата „Заедно победуваме“ ќе биде Илир Мета, одлучи Комисијата за жалби и санкции која го прифати барањето на ДП, пренесе албанската КланТв.

    Ора Њуз: Карневали на Нарта/ Стотици години традиција се уште ја негуваат младите од селото

    „Годишни карневали се одржуваат во селото Нарта во Валона Оваа со стотици години традиција ја негуваат и младите, кои се помалкубројни поради иселувањето. Симбол на празникот е отстранување на злото, со надеж за подобра иднина, додека жителите велат дека овој празник ќе се негува и во иднина.“, пренесе Ора Њуз.

    КОЛУМНА

    Коха: Либерализацијата може да не оддалечи од „колективниот затвор“, но  и ќе не доближи до новиот „казан“ за топење…

    „Бидејќи, парите од Косово ќе се префрлаат на магнатите и земјите од ЕУ, а истата судбина ја има и ја доживува и целиот балкански регион. Исто така, за студенти кои сакаат да се усовршат и да ги усогласат своите професии со европските критериуми и стандарди. Исто така, либерализацијата на визите треба да се гледа во контекст кој никако не е случаен, особено по договорот на Белград и Приштина, за Охридскиот договор. Идејата и целта за визна либерализација за Косоварите, меѓу другото, има и некои наредби (јас би рекол конкретни); Прво, пораката за меѓуетничка тензија меѓу Србите и Албанците, која особено се засили за време на проблемите со „табличките“. Второ, европскиот демографски план, бидејќи има многу проблеми и со новите (расни) вработувања и оние со едноставната репродукција на наталитетот, се гледа дека се планира да се „снабди“ со „свежи“ академски кадри.“, извадок од колумната „Либерализацијата може да не оддалечи од „колективниот затвор“, но  и ќе не доближи до „казанот“ за топење…“, од авторот Фадил Малоку, објавена во косовскиот медиум Коха.

    Д. Тахири / Цивил Медиа

    Извор: frontline.mk

    Exit mobile version