Во гостување на ТВ24, Весна Алексовска, претседателка на Здружението на граѓани за ретки болести „Живот со Предизвици“, укажа дека поради проблеми со тендерските постапки, пациентите со ретки болести секоја година остануваат одреден период без лекови:
„Она што беше добро е дека се внесоа нови лекови во Програмата за ретки болести за нови пациенти, и за иновативни нови лекови кои се веќе откриени и кои се користат во други земји. Тоа е доброто. Лошото е што тендерот е само за 10 месеци. Не е ни за цела година овојпат. Немаше доволно средства во буџетот. И, нормално, лошото е дека е касно отворен тендерот, сега во февруари. Најчесто тие тендерски постапки траат 3, 4, 5, 6 месеци, зависно од тужби, жалби и останати работи. И пациентите секоја година, од 2015, 2016 кога почнаа да се набавуваат лекови, па се до денес, секогаш остануваат по месец, два, три, па и пет, без лекови“, изјави Алексовска во гостување на ТВ24.
Извор: #деполаризирајсе
