More

    Европските интеграции се иднината на целиот Западен Балкан, на регионот му треба единство во надворешната политика

    Европските интеграции се иднината на целиот Западен Балкан. За земјите од регионот тоа значи подобрување на квалитетот на живот на граѓаните и обезбедување предвидливост во безбедноста и стабилноста на целиот Западен Балкан, нагласи премиерот Димитар Ковачевски во интервју за српскиот весник ‘Политика’.

    По војната во Украина тоа и стана јасно и на ЕУ. Ние сме географски дел од Европа и ни треба единство во надворешната политика, особено кога станува збор за одбрана на мирот и  демократските вредности. Воопшто не е далеку тоа да се постигне во 2030 година. Напротив, тоа е рационална и остварлива цел, со цел спроведување на неопходните реформи на домашно ниво и подобрување на економските и билатералните односи преку активна, искрена и одржлива регионална соработка. Јас сум реален човек, не изразувам оптимизам или песимизам, но решен сум да постапувам кон она што верувам дека носи добро за граѓаните и државата. Не калкулирам лични и политички интереси, но максимално сум ангажиран да придонесам за тоа добро. За мене тоа е чин на врвен патриотизам и ќе продолжам истото да го правам, истакна премиерот.

    Ковачевски кажа дека македонскиот јазик и македонскиот идентитет зависат исклучиво од нас, мнозинството граѓани на Република Северна Македонија, кои се чувствуваат како  Македонци и пишуваат и зборуваат македонски јазик.

    -Одредувањето на идентитетот е чувство – никој не го дава и никој не може да го земе. Имаме своја македонска историја, култура, традиција, по кои сме препознатливи како посебен народ и посебна држава, признати во светот. Македонскиот јазик е признат и прифатен подеднакво меѓу европските јазици, за што конкретен доказ е веќе потпишаниот договор со Фронтекс. Секако, остануваме посветени на развојот на добрососедските односи со Бугарија, во духот на европските вредности, со меѓусебно почитување и политика на разбирање на другиот. Во официјалните односи и политиката, дури и меѓу граѓаните на двете земји, постои меѓусебно разбирање и почитување, потенцираше Ковачевски.

    Премиерот во интервјуто истакна дека верува дека ќе успееме да се издигнеме над сите обиди на трети страни кои имаат свои инсталации во двете земји и се обидуваат да им наштетат на нашите билатерални односи за туѓи интереси.

    – Тие обиди се насочени против единството, стабилноста и безбедноста во Европа. Верувам во дијалогот како начин за решавање на секое прашање, верувам во капацитетите на Република Северна Македонија, Србија и гледам можности за понатамошен развој на европската интеграција за нашите земји и за целиот Западен Балкан, заклучи Ковачевски.

    Exit mobile version