More

    Владата го разреши директорот на Управата за извршување на санкции

    Владата на денешната седница донесе одлука да го разреши Марјан Спасовски од должноста директор на Управа за извршување на санкциите, информираат од владината прес-служба. Одлука за назначување на нов директор засега нема, а владиното соопштение следи откако вчера премиерот Димитар Ковачевски изјави дека почнал селекција на нов директор, бидејќи не бил задоволен од работата на Марјан Спасовски.

    Инаку, постапката за разрешување на актуелниот директор на Управата за извршување на санкции, која е под надлежност на Министерството за правда, следи неколку дена по бегството на 36-годишниот Беким Мемети, поради кое полицијата до обвинителството поднесе кривични пријави против тројца затворски полицајци и командирот на смена во затворот „Идризово“.

    Министерството за внатрешни работи информираше дека овие вработени лица во затворот, спротивно на законот, го ослободиле лицето Б.М., осудено за кривично дело по член 123 – убиство, кое им било доверено на чување и му помогнале да побегне.

    (Извор: Мета.мк)

    Exit mobile version