More

    СДСМ: Продолжува хаосот, катастрофа на Скопје му приредија Мицкоски, ВМРО-ДПМНЕ и Арсовска

    Христијан Мицкоски, ВМРО-ДПМНЕ и Данела Арсовска за една година на Скопје му приредија катастрофа, го претворија во град со нефункционални претпријатија, кои не можат да ги обезбедат ниту основните функции за граѓаните, се вели во соопшетието на СДСМ.

    „Поради нивната неспосбност во Скопје продолжува хаосот. И наместо да го работат тоа за што се избрани од граѓаните ВМРО-ДПМНЕ и Арсовска се прозиваат за учество во ваклани игри, се навредуваат и клеветат. Цената за нивните кавги за тоа чии раце се во медот ја плаќаат граѓаните. Скопјани се оставени без јавен превоз, ЈСП тонe во долгови, а ништо не е подобра ситуацијата и во други јавни градски претпријатија“, истакнуваат од владејачката партија.

    Оттаму посочуваат дека сообраќајот во главниот град е заглавен и поради започнати, раскопани и недовршени улици, и дека е зголемено е загадувањето.

    “Нема проекти, нема бесплатен јавен превоз, нема ни трага од Модерно Скопје, наместо тоа Скопје за прв пат во историјата остана без јавен превоз. ВМРО-ДПМНЕ во Скопје има градоначалничка, претседател и мнозинство во Советот, најголем дел од директорите на јавните градски претпријатија и на членовите на управните одбори. Сите тие на чело со Мицкоски се одговорни за хаосот и катастрофата што му се случува на Скопје. Локалната власт на ВМРО ДПМНЕ е големо разочарување за граѓаните“, сметаат во СДСМ.

    Exit mobile version