More

    Полиграф: Погрешни фотографии и информации за новиот в.д. директор на Државниот пазарен инспекторат

    Откако Владата соопшти дека го назначила Горан Трајковски за нов в.д директор на Државниот пазарен инспекторат, неколку медиуми објавија фотографија од поранешниот прв човек на УЈП, со исто име и презиме.

    Беше објавен наслов дека „Поранешниот прв човек на УЈП, Горан Трајковски, ќе ја предводи Пазарната инспекција“.

    Исто така, беше објавен и сензационалистички наслов: „Најнова вест: Владата за нов директор на ДПИ постави добро познат лик од времето на Груевски“, илустриран со фотографија од Груевски и Горан Трајковски, поранешниот директор на УЈП.

    Но во случајов, не станува збор за екс-директорот на УЈП Горан Трајковски, туку за друго лице со исто име, но со поинаква биографија и работно искуство.

    Повеќе медиуми кои објавија погрешна фотографија се поправија и преобјавија фотографија од вистинскиот Трајковски. Но, тие не смогнаа сили јавно да се извинат за грешката.

    И овој случај покажува дека проверката на факти затајува кај многу медиуми, што доведува до зголемување на недовербата во медиумите од страна на публиката.

    Exit mobile version