More

    Сите балкански метрополи украсени, Скопје обвиено во мрак

    Сите балкански метрополи се веќе украсени додека Скопје се уште не ја чувствува новогодишнта атмосфера.

    На пример според српскиот портал Дан у Београду, Белград е украсен уште од 25 ноември оваа година.

     

    После неполна недела, на 1 декември во новогодишен свај светна и Софија. На плоштадот пред  Народниот театрот „Иван Вазов“ со танцови и музички групи и 3Д мапирање на плоштадот, официјално и оваа метропола го започна одбројувањето до Новата година, пишува на страната на dariknews.bg.

    Неколку дена подоцна, на 5 декември оваа година, во Тирана се запалија празничните светилки.  Плоштадот „Скендербег“ за разлика од минатата година,  сега е украсен, а освен празнична атмосфера, поставена е и „Фан зона“ за следење на Светското првенство, дознаваме од NTV Televizion.

    Во Солун, на 7 декември 2022 година на плоштадот „Аристотел“ блесна 18-метарската новогодишна елка, додека целиот настан кулминираше со концерти на популарни грчки имиња.

    Пред два дена, на 13.12.2022 година и Приштина ја осветлија новогодишните светилки по повод престојните празници.

    Додека главните градови ширум Балканот со недели ја чувствуваат новогодишната еуфорија, Скопје и скопјани се сеуште завиткани во мрак.

    Како што соопштува и РСЕ, поголемиот дел од скопските општини ќе останат неукрасени.

     

    Exit mobile version