More

    Ленин Јовановски се повлекува од улогата во протестите, но останува директор на „Слобода превоз“

    Директорот на „Слобода превоз“ Ленин Јовановски денеска информира дека се повлекува со неговата улога во протестите на приватните превозници, за да, како што вели, „помогнам и да не бидам изговор на нерешавањето на овој проблем“.

    -Гледам дека се прават разни спотови за меѓуполитичка пресметка. Создава атмосфера на дефокус од вистинскиот проблем. Сега е важен момент да ги тргнам дефокусирањата на вистинскиот проблем, за да можат без тие наводни политички влијание и интереси да истраат во своите барања и наплаќање на долгот. Помагам на приватните превозници кои што досега 23 години ми ја давале довербата и сега сметам дека е важен момент за да ги тргнам сите дефокуси. Слобода превоз останува да постои и останувам да бидам директор. Се надевам дека ваквиот потег ќе ги охрабри институциите, наместо да се занимаваат со моето име и да прикажуваат слики од мене каде сум бил и што сум правел. Сликите се од мојот личен профил и тие се јавно објавени. Последниот дефокус е моето присуство на хуманитарна забава која што беше организирана од екс-градоначалникот на Центар, на која што присуствувавме од „Ноќните волци“, рече Јовановски на прес-конференција пред објектите на Градското собрание.

    Тој жали што Скопје трпи вакви случувања, во период кога, како што вели, сакаме да се покажеме колку заслужуваме да бидеме во ЕУ.

    -Институциите го покажуваат пред светот. Додека секаде во Европа протестираар за добивање на поголеми права, во случајов приватниците протестираат за да ги остварат своите стекнати права, рече Јовановски.

    Извор:lokalno.mk

    Exit mobile version