Хјуман Рајтс Воч бара од социјалните мрежи да ги чуваат доказите за сериозни кривични дела, пишува во извештајот „Кога доказите за воени злосторства исчезнуваат“.
Хјуман Рајтс Воч, заедно со други организации за заштита на човекови права, ги повикаа социјалните мрежи да воспостават независни механизми кои би ги зачувале потенцијалните докази за сериозни кривични дела кои би можеле да се искористат во националните и меѓународни истраги, како и за истражување од страна на невладини организации, новинари, и академски истражувачи.
Останува да видиме дали социјалните мрежи ќе воспостават соработка со организациите за човекови права за востановување на одржливи и законски механизми за архивирање и овозможување пристап до содржини од социјалните мрежи кои можат да помогнат за одноворност на сторителите на сериозни кривични дела.
