“Треба да сме задоволни од посетата на Борел, бидејќи таа посета дојде во еден тежок момент и целта така како што нам ни беше пренесено а верувам дека е така беше да ЕУ покаже внимание кон државите од ЗБ и да се заблагодари особено на С.Македонија и Албанија за поддршката што ја дадовме во однос на Украина, како еден морален, искрен избор се приклучивме кон санкциите”- изјави вицепремиерот за евроинтеграции, Бојан Маричиќ, во интервју за Утрински брифинг.
“Целта беше да се даде поддршка за тоа и да се даде поттик за продолжување на разговорите со Бугарија. Ние одамна комуницираме, не очекуваме ништо никој да ни вети, но очекуваме кога ќе се завршат сите оние обврски околу реформите и околу Бугарија … очекуваме веднаш да се отворат преговорите”, изјави Маричиќ.
