На 14 март, руските власти ја уапсија новинарката Марина Овсијаникова, уредничка на рускиот телевизиски канал „Канал 1“. За време на вечерните вести, таа се појави зад водителот држејќи табла на која пишуваше „Не на војната. Не верувајте во пропагандата. Ве лажат. Русите против војната“.
Европската федерација на новинари (ЕФЈ) побара итно ослободување на новинарката: “Силно ги осудуваме обвиненијата против неа и бараме тие веднаш да бидат отфрлени“ рече генералниот секретар на ЕФЈ, Рикардо Гутиерез.
