Починаа бремената жена и нејзиното бебе, откако Русија го бомбардираше родилиштето каде што требаше да се породи, јавува Асошиетед прес. Сликите на жената како итно однесена во амбулантно возило на носилки го обиколија светот, олицетворувајќи го ужасот на нападот врз најневините во човештвото.
На видеото и фотографиите снимени во средата од новинарите на АП по нападот на болницата, се гледа како жената се држи по крвавиот долен дел на стомакот, додека спасувачите брзаа со неа низ урнатините во опколениот град Мариупол, а нејзиното бледо лице го отсликуваше шокот од она што штотуку се случило. . Тоа беше меѓу најбруталните моменти досега во руската сега 19-дневна војна против Украина.
Жената била итно пренесена во друга болница, блиску до линијата на фронтот, каде лекарите се труделе да ја одржат во живот. Сфаќајќи дека го губи своето бебе, рекоа лекарите, таа им извикала: „Убијте ме сега!“
Хирургот Тимур Марин увидел дека карлицата на жената е смачкана и дека и е отцепен колкот. Лекарите го породиле бебето со царски рез, но тоа „не покажувало знаци на живот“, изјавил хирургот.
извор: Асошиејтед прес
